為女生為女亡，為女荒廢一生

識了十年的老友V博士，原本一直是天地雙龍、結伴同行齊齊落老蘭溝女，可惜一個大陸女人，搞到他頽廢了幾個月，都唔知係我同小吉的錯，還是他自己太投入呢段感情?

事發07年八月時我同小吉帶V博士去深圳的First Class Clubbing，唔知做乜小吉响邊處拖了件黑衫妹過來跳舞，引而帶了件外表好似幾純的重慶囡囡來玩，V博士好像很投入同呢個女仔，結果當晚佢搞掂條女，的咗佢開房。

V博士一向認為港女好豬扒，陸女温柔和服侍好，結果當晚的一夜情太認真地付出(即係做完又做又再做荒死唔蝕底)，終於產生了感情，冇幾耐就每個星期五、六、日都返上去條女個家度享受温柔香。有女同自己煮飯仔、有女同自己洗白白、有女陪自已看電視….食完飯、沖完涼就可以上床Ushh Ushh，生活係幾他條又幾爽。

自己見個老友成日返佢自己的天神村，本來都戥佢高興，但有時想同佢講聲…叫佢唔好咁認真、唔好因女而忘記工作。我地出來玩樂係要有經濟支持，如果玩到自己控制唔到，變咗Addict的話，後果會係好嚴重，可能有很多後遺症。

一個月又一個月，V博士每個星期指定動作，更同我講會同條女結婚，仲叫埋佢落來香港過聖誕。我冇乜說話好講，心中只係祝褔佢，但我一直有不祥預感，結果他們到08年出事了。

過年前巳開始找不到V博士，以為他因一些私人事情失了踪，又以為他去了温柔鄉日日『耕田』。過年後一個星期，他忽然call我，講了一些我不敢相信的事。簡單講一句條女抵受不了他又食又拎，碎碎念和他對話時….他可能情緒問題就動手打了條女。條女馬上搬走，他後悔下了重手終日做宅男，尋人不到後飲酒自麻搞到E仔上腦，終日悶悶不樂，我陪了幾轉去大陸Clubbing，他心情沉重到強烈要找女出火。

我希望V博士回覆正常，於是和他去了台灣一轉Clubbing。結果我出盡PR工夫幫他搭線…佢兩晚都可以『的』到台妹返酒店一夜情，佢同我講返第一條女給他撬門五次，搞到條女罵他是否當她是Sex Machine；而佢話第二條女係完全自動波，全情服侍式的殘廢餐。

回來香港後，我以為V博士心情會好番好多，可惜冇幾耐他又情緒低落，又掛住個陸妹。做朋友的當然唔想見到佢咁，於是我日鬧夜鬧佢，佢以為我用激將法，佰我事實上我同佢講過以下的說話:-

(1) 唔好對夜店的女人咁認真，一夜情咪算數囉。Hi and Bye是One Night Stand的格言。

(2) 女人去得夜店十居其九唔會係好女仔，男人都係一樣，算吧啦。

(3) 女人係唔打得，你打過佢，以後佢一定走路唔會返來你身邊。

(4) 女人走咗就唔好再揾返佢，一個男人點可以為一個女人荒廢自己事業、頽廢一生？

某晚….我去深圳SOHO吧Clubbing時，我竟然遇到佢條女和其他男生玩。本著好心話俾V博士聽，但佢自己電話又唔接。第二日我同佢再講返時佢就發我脾氣，話我做乜唔即時Call佢上來抄佢，跟住連MSN都失踪埋….從此唔再聽我電話。